Ka rongo te Ruku Tātari Ratonga me ngā Putanga Hauora (Wai 2575) i ngā kerēme katoa e pā ana ki ngā nawe mō ngā ratonga me ngā putanga hauora, ā, he hira ā-motu.
Te ahu whakamua o te ruku tātari
I te Tīhema o 2017, ka whakaū te Taraipiunara ka ahu whakamua te Ruku Tātari Wai 2575 i runga i te tūāpapa wā me te kaupapa, ā, ka rangona ngā take hāngai ki te hauora ki ngā wāhanga e hāngai ana ki te whakaarotau:
- Ka ruku tātari te wāhanga tuatahi, i oti i te Māehe o 2019, ki ngā āhuatanga o te tautiaki matua
- E arotahi ana te wāhanga tuarua i ngā wāhanga whakaarotau e toru, e pā ana ki ngāi Māori me ngā hauātanga, te hauora ā-hinengaro (tae atu ki te whakamomori me te whakakino matawhaiaro), me ngā take e pā ana ki te waipiro, te tupeka, me te raukoti pūroi
- Ka arotahi te wāhanga tuatoru ki ngā kaupapa e toe ana o te hiranga ā-motu, tae atu ki ngā kerēme o mua e māraurau ana
Wāhanga tuatahi
Ko te ruku tātari wāhanga tuatahi te ruku tātari whāiti, heipū hoki ki te anga ā-ture, ā-kaupapahere hoki o te pūnaha tiaki hauora matua. Ko te mana whakahaere o te ruku tātari ko Kaiwhakawā Stephen Clark. I whakawhāiti aua whakahaerenga ā-ture ki te nohoanga mō ngā kerēme a ngā Māori Primary Health Organisations & Providers (Wai 1315) me te National Hauora Coalition (Wai 2687). I whakamanahia hoki tētahi āhuatanga whai wāhi o ētahi hunga e whai take ana ki te ruku tātari.
I muri iho i ngā nohoanga i tū i te tau 2018 ki te tau 2019, ka whakaputa te Taraipiunara i tana pūrongo i mua i te whakaputanga o Hauora – the Report on Stage One of the Health Services and Outcomes Kaupapa Inquiry (the Hauora Report) i te 1 o Hūrae 2019.
Ka whakaputaina te putanga whakamutunga o te Hauora Report i te 19 o Oketopa 2021, i muri iho i te wā rua tau i pūrongo ai ngā hunga ki te Taraipiunara e pā ana ki te ahu whakamua o te whakatinanatanga o ana tūtohunga hukihuki.
