Kupu whakamārama

Kei te iho te tiriti o ngā mahi katoa a te Rōpū Whakamana i te Tiriti.

He kōmihana ruku tātari te rōpū Whakamana i te Tiriti o Waitangi, ā, ko ana mahi ko te whakatau mēnā i takahi ngā mahi a te Karauna, ngā hapanga rānei, i ngā mātāpono o te tiriti.

He pēhea te whakamārama a te Taraipiunara i te tiriti

Ka waihangatia ia rōpū Taraipiunara kia whakatau i te whakamāramatanga me te pānga o te tiriti e hāngai ana ki ngā kerēme kei mua i tōna aroaro. Me haere ngā kaipānui e aro ana ki te whakamāramatanga a te Taraipiunara i te tiriti me ana mātāpono ki ngā pūrongo ake a te Taraipiunara.

Kei te Upoko 8 o te pūrongo a te Rōpū Whakamana i te Tiriti o Waitangi He Whakaputanga me te Tiriti te kōrero mō ngā tauākī o mua a te Taraipiunara me ngā kōti e pā ana ki te tikanga o te Tiriti.

Ngā Mātāpono

Te Rōpū Whakamana i te Tiriti o Waitangi me ngā mātāpono tiriti

Ina ruku tātari ana ki ngā kerēme tiriti Māori, me whakatau te Rōpū Whakamana i te Tiriti o Waitangi mēnā ko tētahi mahi, ngā hapanga rānei, i te tukituki ki ngā mātāpono o te tiriti, e tukituki ana rānei. Me whakatau ia rōpū Taraipiunara mēnā i takahi te mahi a te Karauna i ngā mātāpono tiriti, waihoki ko ēhea ngā mātāpono e hāngai ana ki ngā kerēme kei mua i tōna aroaro.

Nā reira, kāhore he huinga mātāpono kotahi a te Rōpū Whakamana i te Tiriti o Waitangi hei whakatakoto ina aromatawai ana i ia kerēme. Heoi anō, nāwai rā kua puta ētahi mātāpono i ngā pūrongo a te Taraipiunara, i whakahāngaitia ki ngā āhuatanga rerekē e whakarewaina ana e ngā kerēme.

He maha ngā wā, i tua atu i te puta mai o ēnei mātāpono i ngā kupu ake o ngā tuhinga e rua o te tiriti, ka puta mai i ngā horopaki o ngā āhuatanga i urungia ai te whakaaetanga tiriti.

Tēnā, tirohia ngā pūrongo a te Taraipiunara mō ngā tauira o te whakamāramatanga a te Rōpū Whakamana i te Tiriti o Waitangi i ngā mātāpono tiriti.