Ngāti Awa, Ngāti Porou
He Ahorangi Ahurei a Dr Linda Tuhiwai Smith ki Te Whare Wānanga o Awanuiārangi. Nō Ngāti Awa, Ngāti Porou, me Tūhourangi ia. E mōhiotia ana a Ahorangi Ahurei Smith ki te ao mō ana mahi mō ngā tikanga rangahau whakakore tāmitanga, te mātauranga Iwi Taketake, me te rangahau kaupapa Māori.
Ko ia tētahi o ngā Hoa Kaiwhakahaere tuatahi o Ngā Pae o Te Māramatanga - te Pokapū Māori o te Kounga Rangahau, ā, i mahi ia i roto i ētahi tūnga kura wānanga matua ki Waipapa Taumata Rau me Te Whare Wānanga o Waikato. I noho ia ki te Health Research Council, te Marsden Fund Council, me Te Apārangi, ā, ko ia te Hea Tuarua o te Kaunihera o Te Whare Wānanga o Awanuiārangi ināianei.
He Hoa ia nō te American Education Research Association, he Hoa nō Te Apārangi, me tētahi mema Hōnore ā-Ao o te American Academy of Arts and Sciences. I riro i Ahorangi Ahurei Smith Te Tohu Kairangi (DNZM). Ko ētahi o ana tānga ko Decolonising Methodologies, Research, and Indigenous Peoples (1999, 2012, 2021), The International Handbook of Indigenous Education, i ētitahia ngātahitia me Elizabeth McKinley (2017), me A Civilising Mission? The Making of New Zealand’s Native School System 1867-1969 (2001) he mea takatā i te taha o J.Simon, rātou ko F.Cram, M. Hoheepa, ko S.McNaughton. I kopoua a Dr Smith ki te Taraipiunara i te tau 2016.