Ngā mema o te Taraipiunara
Ka eke pea ki te 20 ngā mema o te Rōpū Whakamana i te Tiriti o Waitangi. Ka kopoua e te Kāwana-Tianara i runga i te tūtohutanga a te Minita Whanaketanga Māori. Ka haere mai ngā mema i ngā wāhanga katoa o te ao, ā, e kopoua ana mō ō rātou pūkenga e pā ana ki ngā take he nui te tūponotanga e puta mai ki a rātou. He haurua pea o ngā mema he Māori, he haurua anō pea he Pākehā.
Ko te Hea o te Rōpū Whakamana i te Tiriti o Waitangi ko Kaiwhakawā Matua Caren Fox nō te Kōti Whenua Māori. Ka āhei te kopou i ētahi atu kaiwhakawā o te Kōti Whenua Māori hei Mana Whakahaere mō te rōpū Taraipiunara, ahakoa ehara rātou i te mema o te Rōpū Whakamana i te Tiriti o Waitangi.
Ka kopoua te rōpū o ngā mema e toru, tae atu ki te whitu, hei whakahaere i te ruku tātari. Kia kotahi te mema Māori, nui ake rānei o te rōpū Taraipiunara.
Waitangi Tribunal Members and Presiding Officers, March 2023
