Te tīma rēhitatanga:

• e aromatawai ana i ngā tono kia rēhita me te panoni i ngā kerēme  
• e whakahaere ana i ngā tono mō te ohotata me ngā whakatikahanga
• e tirotiro ana i ngā pūranga tuhinga o te ruku tātari
• tohutohu i te Kaikōmihana Ratonga Ture mō te pūtea āwhina ā-ture ki ngā kaikerēme (hononga o waho)

Te tīma ruruku Kerēme:

• e whakarato ana i te tautoko whakaritenga me te tohutohu e pā ana ki ngā hui ā-kaiwhakawā, ngā nohoanga me ngā hui a ngā rōpū Taraipiunara
• e āwhina ana i ngā kaiwhakauru ruku tātari ki te whakapāpā tika me ngā tukanga o te Taraipiunara
• e tiaki ana me te tuari i ngā tuhinga i whakatakotohia ki te pūranga tuhinga o te ruku tātari me te whakahou i ngā pūnaha pātengi raraunga matua
• he whakapā matua, he tautoko whakahaere hoki mā ngā mema o te Taraipiunara.

Te tīma huawaere ruku tātari:

• e tohutohu ana mō te whakamahere me te whakarato o ngā tukanga ruku tātari
• e whakarato ana i ngā tohutohu ki ngā kaikerēme me ngā rōpū Taraipiunara e pā ana ki ngā take tukanga ruku tātari
• e huawaere ana i te whai wāhi whaitake o ngā hunga katoa i ngā ruku tātari tae noa ki te whakamutunga o ngā nohoanga.

Ko ngā mahi a te tīma ratonga rangahau ko:

• te āwhina i ngā rōpū Taraipiunara ki te whakamahere me te whakatinana i ngā hōtaka rangahau paihere taunaki
• te rangahau i ngā rangahau i whakahaua e te Taraipiunara
• te whakarato i te whakaū kounga mō te rangahau
• te āwhina i ngā rōpū Taraipiunara kia whakatau i ngā take mō te ruku tātari, otirā mā ngā tauākī whakataunga take Taraipiunara

Ko ngā mahi a te tīma tuhi pūrongo ko:

• te tautoko i te whakamahere me te whakarato i ngā pūrongo a te Rōpū Whakamana i Te Tiriti o Waitangi
• te āwhina i ngā rōpū o te Taraipiunara ki te tuhi hukihuki i ā rātou pūrongo
• te whakahaere i te tānga pūrongo

Te Tari o te Kaiwhakahaere

• ka whakarato i te tirohanga whānui me te ahunga o ngā mahi a te Wāhanga o te Rōpū Whakamana i Te Tiriti o Waitangi
• ka tohutohu e pā ana ki te auaha me ngā ihirangi o ngā hōtaka mahi rangahau me te tuhi pūrongo, me ngā paerewa kounga mō ngā mahi a te Taraipiunara
• ka whakarato i te tohutohu rautaki ki te hōtaka mahi o te Taraipiunara, i ngā ratonga tautoko me te whakarato i ngā hinonga.

Waea | Phone: 04 914 3000

Īmēra | Email: Kia tuku i te uiui whānui, tēnā īmēra ki: WaitangiTribunal@justice.govt.nz

Ki te tono i te tuhinga, tēnā īmēra ki: WT_Requests@justice.govt.nz

Pouaka Poutāpeta | Wāhi Noho:

Ka taea e koe te toro ki tā mātou taupaepae ki Te Whanganui-a-Tara i waenga i te 8:30 i te ata me te 5:00 i te ahiahi mai i te Mane ki te Paraire.

Te Rōpū Whakamana i te Tiriti o Waitangi
Papa 7
Fujitsu Tower
141 The Terrace
Te Whanganui-a-Tara
Aotearoa

Ka uru ki Fujitsu Tower mā te Terrace, Cable Car Lane rānei. Kia uru ki te whare mā Te Terrace, hīkoia te ara i waenga i te Hōtera o te Novotel me James Cook kia tae ki Fujitsu Tower. Kei te tomokanga te taupaepae, mā ngā kūaha karaehe e tauaro ana i ngā ararewa.

Kia uru ki te whare mā Cable Car Lane, hīkoi ki te mutunga o te ara iti, ā, ka piki i ngā arapiki ki te taha mauī ki te ararewa i tō taha matau. Haere mā te ararewa ki te Papa 7. Ko te taupaepae, e noho ana i tua atu i ngā kūaha karaehe i te tauaro o ngā ararewa.