Te Ahunga Rautaki
I te tau 2020 i whakaputaina e te rōpū Whakamana i te Tiriti o Waitangi he whakahounga o ana whāinga rautaki, i whakaritea i roto i tana Ahunga Rautaki 2014-2025. E arotake ana te whakahou i te ahu whakamua a te Taraipiunara tae noa ki tēnei wā, ā, ka whakarite anō i ngā whāinga rautaki mō te wā atu ki te 2025.
Pānuitia te Ahunga Rautaki 2014–2025 [PDF, 16.1Mb] [PDF, 16.1Mb] (hononga o waho)
I te Pēpuere o 2020, i whakaputaina tētahi whakahou ki te Ahunga Rautaki a te Rōpū Whakamana i te Tiriti o Waitangi.
Pānuitia te Ahunga Rautaki i 2020 [PDF, 7Mb] [PDF, 6.9 MB]
Ngā whakahau a te Rōpū Whakamana i Te Tiriti o Waitangi
Ka āhei te Rōpū Whakamana i te Tiriti o Waitangi te whakahau i ngā hunga nō tētahi ruku tātari kia mahi i ētahi mahi tauwhāiti, pērā i te whakatakoto i ngā tuhinga hei tētahi rā motuhake, i te whakatakoto ā-pepa rānei i ētahi whakakāhoretanga a rātou ki tētahi ara mahi e marohitia ana.
E mōhiotia ana tēnei tuhinga ki te ingoa kupu whakahau. I te nuinga o te wā e tukuna ana ngā kupu whakahau e te mana whakahaere mō tētahi ruku tātari kia āwhina ki te ahu whakamua i te āhuatanga whakaraupapa, whāomo hoki.
E hāngai ana te nuinga o ngā whakahau ki te ruku tātari kotahi. Ka āhei ngā tuhinga o ngā ruku tātari onāianei te rapu me te tikiake.
Rapua ngā tuhinga ruku tātari (hononga o waho)
I whakaputaina ngā manatu e whai ake nei e te hea, ā, he pānga ki te hōtaka mahi o te rōpū Whakamana i te Tiriti o Waitangi katoa.
Ngā kerēme o mua e toe ana
22 o Hepetema 2015
Tērā ētahi kerēme o mua kei te Taraipiunara kāhore anō kia rangona i roto i ngā ruku tātari ā-rohe kua oti kē. I te Hepetema o 2015, i tuku te hea o te rōpū Whakamana i te Tiriti o Waitangi, a Kaiwhakawā Matua Wilson Isaac, i te manatu e whakahua ana i te tukanga mō te whakaaroaro a te Taraipiunara ki ngā kerēme me ngā nawe o mua kāhore anō kia tino ruku tātarihia, whakatauhia rānei, ā, kāhore anō kia uru ki te hui whakawhiti kōrero (e tata ana rānei kia uru) mō te whakataunga take Tiriti.
Pānuitia te manatu e pā ana ki ngā kerēme o mua e toe ana (hononga o waho)
Pānuitia ētahi atu kōrero mō te ruku tātari a te 'rōpū tū' a te Taraipiunara ki ngā kerēme o mua e toe ana
Ngā whakahau ruku tātari ā-kaupapa
1 o Āperira 2015
E whakahuatia ana e tēnei manatu te hōtaka ruku tātari ā-kaupapa hou a te Rōpū Whakamana i te Tiriti o Waitangi e pā ana ki ngā kerēme hira ā-motu e whaipānga ana ki angāi Māori, ā, e whakahua ana i te anga arowhānui mō te hōtaka.
Kupu Whakahau mō te Ruku tātari ā-Kaupapa (hononga o waho)
27 o Māehe 2019
E whakamōhio atu ana tēnei manatu i ngā hunga ki ngā whakahou me ngā panoni ki te hōtaka ruku tātari ā-kaupapa o 2015.
Kupu Whakahau mō te Ruku Tātari ā-Kaupapa 2019 (hononga o waho)
Pānuitia ētahi atu kōrero mō ngā ruku tātari ā-kaupapa o te Taraipiunara