Tirohanga whānui

Ko te Ruku Tātari ā-Kaupapa mō te Turepapa (Wai 3300) he ruku tātari ā-kaupapa e rongona ai ngā kerēme katoa e pā ana ki ngā nawe e hāngai ana ki te turepapa, te mana motuhake me te pūnaha pōtitanga.

Te ahu whakamua o te ruku tātari

Ka tīmata te ruku tātari i te Tīhema o 2022 (tirohia Wai 3300, #2.5.1 mō te manatu-kupu whakahau i tīmata i te ruku tātari).

Kei te wā tīmatanga te ruku tātari.  

I te Āperira o 2023, ka kirimanatia e te Taraipiunara ngā pou tikanga e whā (mātanga tikanga) me ngā pou ture Pākehā e toru (mātanga ture o Aotearoa) ki te whakaputa i te pūrongo e pā ana ki te tukanga tautuku ki ngā tikanga me te Tiriti kia rongo i ngā kerēme o te Ruku Tātari ā-Kaupapa Turepapa (tirohia Wai 3300, #2.3.2 mō te manatu-kupu whakahau e kirimana ana i ngā pou).

Ka whakaputa ana ngā pou i tā rātou pūrongo, ka wānanga ngātahi te Taraipiunara me ngā hunga ki te rongo i ō rātou urupare mō te pūrongo me te matapaki i te hoahoa o te ruku tātari.