I ahu mai a Ahorangi Hōnore David V Williams i roto i te mahi pāmu hipi ki Heretaunga me Whanganui. I haere ia ki te Whanganui Collegiate School. I riro i a ia ngā tohu mātauranga matua i roto i te hītori, te ture me te mātai atua i te Whare Wānanga o Te Herenga Waka me te Whare Wānanga o Oxford (he Rohodes Scholar ia i reira i Balliol College). I riro i a ia tana PhD i te Whare Wānanga o Dar es Salaam, Tanzania. I tino arotahi tana aramahi ako me te rangahau i Waipapa Taumata Rau ki te 'ture me te pāpori' me te 'hītori o te ture'.
He mema ia nō te Association for Racial Equality [CARE], ā, he kiritohe tōrangapū hoki e whai wāhi atu ana ki ngā take huhua e pā atu ana ki ngāi Māori me ngā tāngata nō Te Moana-nui-a-Kiwa i ngā tau 1970 me ngā tau 1980. Mai i te tau 1991 ki te tau 2001 he kairangahau motuhake ia, he mātanga o te rangahau hītori e hāngai ana ki ngā kerēme Tiriti o Waitangi. I mahi ia me ngā hapū me ngā iwi maha hei tumu kōrero, waihoki i mahi hei kaiwhiriwhiri kerēme. He minita whakawahi ia i roto i te Hāhi Mihinare, he hea o te St Isaac’s Retreat House Trust i te Hokianga, ā, ko ia te Kaitohu Ture ki Te Pīhopatanga o Aotearoa. I kopoua a Ahorangi Williams ki te Taraipiunara i te tau 2023.