Te Arawa
Ko Ms Prue Kapua te tumuaki o Tamatekapua Law, ā, he whānui tōna matatau ki te whakahaerenga rauemi me te rāngai Tiriti. Kua tautoko ia i ngā kaikerēme ā-whānau, ā-hapū, ā-iwi hoki i roto i ētahi ruku tātari a Te Rōpū Whakamana i te Tiriti o Waitangi. Ko ia te mema o te Refugee Status Appeals Authority, te Hea Tuarua o te Medical Practitioners Disciplinary Tribunal, me tētahi kaiwhakahaere o First Health NZ Ltd (he turuki o Southern Cross NZ Ltd).
I te tau 2000, i kopoua e te Minita Hauora a Ms Kapua hei māngai mō ngā take o ngā wāhine Māori i roto i te ruku tātari Gisborne Cervical Cancer. I tohutohu hoki ia i te Manatū Hauora e pā ana ki tana kaupapahere Tiriti e pā ana ki te hōtaka whakamātautanga ā-motu. Ko ia hoki tētahi mema o te Rōpū Kaitiaki Hauora o te Manatū Hauora me te kaitohutohu mātanga o waho mō te tahua pūtea āwhina ā-ture mō ngā kerēme ki Te Rōpū Whakamana i te Tiriti o Waitangi. Ināianei ko ia te Hoa Hea o te Rōpū Hoahoa Māori o Oranga Tamariki me te Hoa o te Interim Te Rōpū on Family Violence, Sexual Violence, and Violence within Whanau. Ko ia hoki te perehitini onāianei o te Rōpū Wāhine Māori Toko i te Ora me tētahi tarahiti o Māori Women's Development Inc. I kopoua a Ms Kapua ki te Taraipiunara i te tau 2018.