Ka tīmata te whai wāhi ngaio a Dr Grant Phillipson ki te Rōpū Whakamana i te Tiriti o Waitangi i te tau 1993 hei kairangahau kirimana. I te tau 1995, i kopoua ia hei kaiwhakahaere, ā, i te hipatanga o ngā tau e rua, tumu Kōrero Matua. Ka noho ia ki taua tūnga tae noa ki tana kopounga ki te Taraipiunara i te tau 2011. Kua tuhi a Dr Phillipson i ngā pūrongo rangahau, hītori hoki, i kirimanatia e te Rōpū Whakamana i te Tiriti o Waitangi, te New Zealand Māori Congress–Crown Joint Working Party, me te Crown Forestry Rental Trust. I tana mahi hei tumu Kōrero Matua, ka noho haepapa a Dr Phillipson kia tirotiro i te hōtaka rangahau i whakahaua me te whakarato i te tohutohu rangahau me te tuhi pūrongo ki ngā rōpū Taraipiunara huhua. Kua whakaputa a Dr Phillipson i ngā tuhinga kura wānanga e hāngai ana ki ngā pātai mō te hāhi i te rautau tekau mā iwa i Aotearoa, te hītori o te Tiriti, te rōpū Whakamana i te Tiriti o Waitangi, me te whenua Māori.