Taranaki, Te Āti Awa
Kua roa a Dr Ruakere Hond e taunaki ana i te whakarauoratanga o te reo Māori, ā, he kaitaunaki matua hoki o te hapori o Parihaka. He toki ia i te mahi kia whakatutuki i te whakamārire i waenga i te hapori me te Karauna, ā, kua tū ia i roto i ētahi tūnga hautūtanga i roto i ngā rōpū reo Māori, tae atu ki Te Reo o Taranaki, Te Whare Wānanga o Awanuiārangi, me Te Ataarangi. E rua ngā wā i tū ia hei mema o Te Taura Whiri i te Reo Māori, ā, he mema o mua o te poari o Te Mātāwai, e ārahi ana i te whakatinanatanga o te rautaki reo Māori, te maihi Māori.
I te tau 2013, i whakaoti a Dr Hond i te tohu kairangi mō te hauora tūmatanui, me te arotahi ki te whakarauora i te reo Māori, ngā ahunga whanaketanga hapori, me ngā putanga hauora toitūtanga ā-whakatipuranga. Ināianei e āwhina ana ia ki te ārahi i te ahunga o te Ataarangi i roto i te hinonga a te Tāhuhu o te Mātauranga, Te Ahu o Te Reo Māori ki Taranaki, ki Whanganui, ki Manawatū hoki, e tautoko ana i ngā kaiako ki te whakamahi i te reo Māori me ngā ākonga i roto i tō rātou wāhi whakaako. I kopoua a Dr Ruakere Hond ki te Taraipiunara i te tau 2018.