I mahi a Dr Hana O’Regan i roto i ngā kaupapa whakarauora reo, tuakiri me te whakawhanaketanga ahurea, te reo Māori, me te mātauranga neke atu i te 25 tau. He kaituhi, ā, i tāngia ana tuhinga, he kaitito, ā, e mōhiotia ana ia ki te ao mō ana mahi ki te ako me te whakarauora i te reo taketake. Ka puta ia i Te Panekiretanga, e whakautea whānuitia ana a Hana mō tana tāpaetanga, ana pūkenga, me tana taunakitanga hoki e pā ana ki te reo Māori.
E rua ngā tūnga kaiwhakahaere i noho ai a Hana i runga i te hautūtanga matua ki te ARA Institute of Canterbury, ko ia te kaiwhakahaere matua oranga mō Te Rūnanga o Ngāi Tahu, ā, i noho ki ngā tūnga huhua i runga i ngā poari ā-motu, ngā paewhiri arotake, me ngā komiti puta noa i ngā kaupapa mātauranga, whanaketanga Māori, tuakiri ā-motu, matatika me ngā kaupapahere Tiriti, me te hauora. Mai i te mutunga o te tau 2020, ko ia te Tumu Whakarae o Tātai Aho Rau, he rōpū whakahaere ā-kaupapa me te arotahi ki te mana taurite mā te ako. Nā tana ngākau whiwhita ki te mātauranga, te hapori, te hītori, me te mana taurite i mahi ia i roto i te aramahi i ngākau titikaha ki te mahi tahi me ngā rōpū whakahaere, ngā pakihi, me ngā tangata takitahi ki te tautoko me te whakarākei i ngā hua pai mā ngā ākonga me ngā whānau. I kopoua a Dr O’Regan ki te Taraipiunara i te tau 2021.