Ngāti Porou
He whānui te aramahi ratonga tūmatanui a Kim mai i te tīmatanga o ngā tau 1990. I muri iho i tana wehenga i Te Puni Kōkiri i te tau 1999, i mahi ia i roto i te tari o te Tumuaki o te Mana Arotake hei kaiwhakahaere rāngai, ā, i whakahaere ngātahi i tana kamupene akoako whakahaere me te kaupapahere tūmatanui, e mahi ana hei kaiwhakahaere taupua o te Rōpū Whakamana i Te Tiriti o Waitangi i te tau 2004. I waenga i te tau 2007 me te tau 2013, ko ia te hekeretari tuarua kaupapahere ki Te Puni Kōkiri, ā, i te tau 2012 i mahi ia hei tumu whakarae taupua o te Manatū Wahine.
Ināianei kei te mahi ia hei mātanga, hei mana urungi ngaio hoki, e noho ana i runga i ētahi poari, tae atu ki te Medical Council of New Zealand, Evolution Healthcare, me Te Pūkenga. I kopoua a Ms Ngarimu ki te Taraipiunara i te tau 2018.