Tirohanga whānui

Ka rongo te Ruku Tātari Kaupapa Ika a Whiro (Wai 2500) ki ngā kerēme katoa e pā ana ki te mahinga hōia o mua i mahia tōtikahia mō te Karauna, hei whakakanohitanga rānei mō te Karauna mā Aotearoa, tērā rānei i ngā wā koroniara, mō, hei whakakanohitanga rānei o te Karauna emepara i Aotearoa.

Ka pā tēnei ki ngā momo mahinga hōia katoa, ahakoa ngā mahi whakahaere, o ia rā rānei, i te wā o te pakanga rānei, te maungārongo rānei, ā, mēnā i te kāinga, ki tāwāhi rānei. Ka tāpirihia te mahinga hōia ake me te whakamātūtūnga me te whakatikahanga o ngā pāpātanga hānga mahinga hōia ki ngā hōia o mua me ō rātou whānau.

Kotahi rau mā iwa ngā kerēme i whakataua he māraurau kia whai wāhi ki te ruku tātari. Tērā ngā hunga e waru e whai take ana ki te ruku tātari (Wai 2500, #2.6.6(a)).

Ngā nohoanga me ngā takunetanga

I te tau 2016 ka tū ngā nohoanga taunakitanga ā-waha ki Tūranga, Heretaunga, Te Tai Tokerau, Whakatāne me Ōtautahi, kia rongo i te taunakitanga a ngā hōia o mua me ō rātou whānau.

I te Tīhema o 2022 ka tuku te Taraipiunara i te Tauākī Whakataunga Take o te Taraipiunara, e whakahua ana i ngā take matua mō te ruku tātari. Ka ahu whakamua te ruku tātari mā ngā wāhanga e rua.

Wāhanga tuatahi

Ka arotahi te wāhanga tuatahi o te ruku tātari Wai 2500 ki ngā kerēme e pā ana ki te mahinga hōia i muri i te Pakanga Tuarua o te Ao, ka uru ko ngā mahi ki Korea me Āhia ki te Pitonga (ko tōna 1950 ki ngā 1990 ngā tau), ngā mahinga ki Te Kōpakatanga ki te Tonga, te whakamātau pahū karihi me te tiaki i te rongomau (ko tōna 1950 ki ngā 2010 ngā tau), me te kaupapahere me te mahinga Karauna onāianei e pā ana ki ngā āwangawanga i whakarewaina e ngā hōia Māori o mua me ō rātou whānau.

Ko te nohoanga tuatahi mō te wāhanga tuatahi i tū ki Rotorua i te Hune o 2023.

Wāhanga tuarua

Ka arotahi te wāhanga tuarua ki ngā kerēme e pā ana ki te Pakanga Tuarua Anglo-Boer me te Pakanga Tuatahi o te Ao (ko tōna 1890 ki ngā 1920 ngā tau), tae atu ki te Pakanga Tuarua o te Ao me te nōhanga o Hapanihi (ko tōna 1930 ki ngā 1940 ngā tau).

Ngā Pūrongo Rangahau i kirimanatia e te Taraipiunara

I muri i ngā nohoanga taunakitanga ā-waha tuatahi, ka kirimanatia e te Taraipiunara ngā pūrongo rangahau e ono i whakaputaina i waenga i te tau 2016 me te tau 2020. Koia ēnei: