I roto i ngā tau, āe rānei kua whakatauritetia ēnei pūrākau mō ngā atua whāea me ngā tipuna whāea? Pēhea nei?
He tokomaha ngā kaikōrero i arotahi ki ngā pāpātanga o te tāmitanga ki ngā kōrero o ngā atua whāea – i roto i te tuku ihotanga mai i tētahi whakatipuranga ki tētahi whakatupuranga, me te tūnga e panoni ana o ngā atua whāea i roto i ngā kōrero ā-wairua Māori. I whakamārama ngā kaikōrero he pēhea ngā atua wāhine i whakaahuatia kinotia i roto i ngā kōrero a ngā kaimātai mātāwaka, tāngata whai hoki i ahu mai i te ahurea Ūropi tāmarutāne, i kite i te wairuatanga Māori mā te arotahi Karaitiana, ā, i kite i ngā tāne anake hei mātāpuna o te mana me te mātauranga. I whakapae ngā kaikōrero i whakaweawe ēnei kōrero i te aronga, i te whakaaro hoki o ngāi Māori ki ngā atua whāea. Heoi anō, ahakoa ēnei akiaki, ka miramira ngā kaikōrero i ngā atua wāhine i ō rātou hiranga. Tērā te kōrero a tētahi kaikōrero, a Jane Ruka "Ahakoa te pikinga o te tāmarutāne, i haria mai i te wā tāmitanga, ka pupuri tonu mātou i te Atua Wāhine." (tuhinga A135, p 2)
I tāpae ngā kaikōrero i ngā tirohanga huhua ki Io-matua-kore. Ki ētahi ko ia te atua nui. Ahakoa i whakapae ētahi o ngā kaikōrero nō mai rā anō ēnei kōrero i roto i te ao Māori, kua kī kē ētahi he whakaata i te whakaaweawe o te Karaitianatanga me tana Atua takitahi, taioreore hoki.
Dr Ani Mikaere addressing panel and audience at Turner Centre, Kerikeri