Ināianei e ruku tātari ana te Rōpū Whakamana i Te Tiriti o Waitangi ki ngā kerēme e 46 hei wāhanga o te ruku tātari ā-rohe o Taihape: Rangitīkei ki Rangipō (Wai 2180). Ko tōna tekau mā rua kerēme i tukuna mā te iwi, te hapū me te whānau o Mōkai Pātea: Ngāti Hauiti, Ngāti Tamakōpiri, Ngāti Whitikaupeka, Ngāi Te Ohuake, Ngāti Paki me Ngāti Hinemanu.
Kua whiwhi hoki te Taraipiunara i ngā kerēme mā ētahi atu iwi, hapū, whānau hoki e hāngai ana ki te rohe whānui. Ko ētahi o ēnei ko: Ngāi Te Upokoiri me Ngāti Hinemanu, Ngāti Rangi, Ngāti Tūwharetoa, Ngāti Waewae, Ngāti Pikiahu, Ngā Poutama, me Ngāti Hikairo, Te Wainui a Rua me Muaūpoko.
Ka kapi i te ruku tātari ā-rohe te takiwā e mōhiotia ana hei Pātea ki te Tuawhenua, ki te uru o ngā pae maunga o Ruahine me Kaweka me te tonga o ngā maunga Kaimanawa. Kei roto ko ngā tāone o Hunterville, Taihape me Waiouru. Ka rere te Awa o Rangitīkei mā te iho o te takiwā.
Te mahere o te ruku tātari ā-rohe o Taihape
