Kua kopoua tētahi tokorua hei mema o te Rōpū Whakamana i Te Tiriti o Waitangi i tēnei marama: Ahorangi Linda Tuhiwai Smith (Ngāti Awa, Ngāti Porou) me Dr Thomas Roa (Ngāti Maniapoto, Waikato Tainui).
'He tohu ngā kopounga hou i te hiranga o ngā momo pūkenga me ngā āheinga e hiahiatia ana mō ngā rōpū Taraipiunara,' te kī a Grace Smit, Tumu, te Rōpū Whakamana i Te Tiriti o Waitangi. 'E piki haere ana ngā tono ohotata e tae mai ana ki te Rōpū Whakamana i Te Tiriti o Waitangi e pā ana ki ngā whakataunga take me te kaupapahere Karauna. Nā runga anō i tēnei mahi, tae atu ki te hōtaka ruku tātari ā-kaupapa, me te whakaotinga o te hōtaka Ruku Tātari ā-Rohe, e hiahiatia ana ngā mema me te mātanga whānui puta noa i ngā takiwā matawhānui.
Ka haere mai ngā mema o te Rōpu Whakamana i te Tiriti o Waitangi i ngā wāhanga katoa o te ao, ā, e kopoua ana mō ō rātou pūkenga e pā ana ki ngā take he nui te tūponotanga e puta mai ki a rātou. Ka kopoua e te Kāwana-Tianara i runga i te tūtohutanga a te Minita Whanaketanga Māori.
Ka tūhono a Ahorangi Smith me Tākuta Roa i ēnei mema mā te kopou ana mō ngā wā toru tau: Ko Tākuta Robyn Anderson, rātou ko Tākuta Aroha Harris, ko Tākuta Ann Parsonson, ko Basil Morrison.
'Ko tāku hoki he mihi ki ngā mema nōnakuanei o te Rōpu Whakamana i te Tiriti o Waitangi, ko Tā Tāmati Reedy rāua ko Sir Douglas Kidd. I whakapau kaha rāua ki te mahi i te Taraipiunara, he mahi i uaratia,' te kī a Grace.
Mō ngā mema hou
Ko Ahorangi Smith te Tumu Whakarae o te Kura o te Whanaketanga Māori me te Moana-nui-a-Kiwa, te Ahorangi o te Mātauranga me te Whanaketanga Māori me te Ihonuku ki te Whare Wānanga o Waikato. Pānuitia he kōrero anō mō Ahorangi Smith.
He pūkenga a Dr Roa ki te Whare Wānanga o Waikato, ā, ko tētahi o ana kaupapa rangahau ko te whakamāoritanga ā-tuhi, ā-waha hoki o te reo Māori ki te reo Pākehā. Pānuitia he kōrero anō mō Dr Roa.