Ka whakaputaina e te Rōpū Whakamana i Te Tiriti o Waitangi tana Pūrongo mō te Ruku Tātari ki te Mana Kōwhiri o Whakatōhea. Ko tēnei pūrongo te putanga o te ruku tātari ki ngā kerēme 12 e hāngai ana ki te whakamanatanga a te Karauna i te mana kōwhiri a te Whakatōhea Pre-settlement Claims Trust (te Tarahiti i mua i te whakataunga take) kia uru ki ngā hui whakawhiti kōrero hei whakatau i ngā kerēme Tiriti o mua o te Whakatōhea.
Ka tū ngā nohoanga ohotata ki Whakatāne i te 6–10 me te 21–22 o Noema. I runga i te rōpū i kopoua kia rongo i ngā kerēme ko Judge Michael Doogan (mana whakahaere), Ahorangi Tuarua Tom Roa, Dr Robyn Anderson, me Mr Basil Morrison.
Ka arohia e te Karauna te mana kōwhiri o te Pre-settlement Trust i te Tīhema 2016, ā, ka tere te tīmatanga o ngā hui whakawhiti kōrero nui. I kuhu te Pre-settlement Trust me te Karauna ki tētahi whakaaetanga mātāpono i te Ākuhata 2017.
Ko te amuamu matua o ngā kaikerēme i takahi te Karauna i ngā mātāpono o te Tiriti o Waitangi nā te kore āta whakahaumaru i te āheinga o ngā hapū me ngā kaikerēme o te Rōpu Whakamana i te Tiriti o Waitangi ki te whakahaere i ō rātou rangatiratanga kia whakatau me pēhea rātou e whakatau ai i ō rātou kerēme o mua. I whakarewangia hoki ngā āwangawanga nui e pā ana ki te tukanga i arongia te mana kōwhiri.
E wātea ana te putanga whakamutunga o te pūrongo o te Rōpū Whakamana i Te Tiriti o Waitangi kia tīkina ake: Te Pūrongo Ruku Tātari mō Whakatōhea [PDF, 1.4Mb](hononga o waho).
Mō ngā pakirehua arapāho, whakapā atu ki te pokapū arapāho o te Tāhū o te Ture(hononga o waho).