I roto i tētahi manatu nō te 16 o Hune 2023, ka kopou te Kaiwhakawā Taupua Sarah Reeves i a Damian Stone hei Hea Tuarua Taupua o te Rōpū Whakamana i Te Tiriti o Waitangi.
Kua noho a Kaiwhakawā Sarah Reeves ki te tūnga o te Hea Taupua i raro i te wehenga 4A(2) o te Treaty of Waitangi Act 1975, mai i te tāokitanga o te Hea o Mua, o Kaiwhakawā Wilson Isaac i te 1 o Mei 2023. Kia tautoko i te mahi a tōna Hōnore i tēnei tūnga, otirā i ngā wā kei wāhi kē ia, kāore e taea rānei e ia te whakamahi i ana kawenga nā te māuiui, nā tētahi atu take rawaka, kua whai whakaaro tōna Hōnore e tika ana kia kopou i te Hea Tuarua Taupua.
E ai ki te wehenga 4A(1), kua kopoua a Kaiwhakawā Damian Stone hei Hea Tuarua Taupua o te Rōpū Whakamana i Te Tiriti o Waitangi i te wā ko Kaiwhakawā Sarah Reeves te Hea Taupua.