Ngāti Porou, Kai Tahu
I kopoua a Kaiwhakawā Milner ki Te Kooti Whenua Māori i te 22 o Mei 2024.
Ko Kaiwhakawā Milner tētahi o ngā kaiwhakawā tūturu mō Te Kooti Whenua Māori i te Rohe o Te Tairāwhiti e whakawā ana i ngā kēhi i Tūranganui-a-Kiwa me Ruatōria.
I mua i tana kopounga ki Te Kooti Whenua Māori, he Rōia Motuhake a Kaiwhakawā Milner i Kāhui Legal, he umanga ture Māori mātanga.
Koia te rōia mō ngā kiritaki maha puta noa i te motu mō ngā take whānui e whai pānga ana ki ngā whānau, ngā hapū me ngā iwi. Kua tohunga ia ki ngā take ture Māori tae atu ki te ture whenua Māori, te tohutohu rōpu ā-iwi ki te whakahaere rawa whakataunga, Te Rōpū Whakamana i Te Tiriti o Waitangi me ngā tautohe ā-ture tūmatanui me te whanaketanga ā-ture.
I puta a Kaiwhakawā Milner i Te Herenga Waka i te tau 2000 me tana tohu LLB, Bachelor of Arts (Māori), me te Tāhu Paetahi Taumata Tuatahi mō te Tōrangapū me te Hononga Tāwahi. I mua i te whakaaetanga kia mahi hei rōia he Āpiha Tirotiro Āwhina ia i te Tari o te Kaitiaki Mana Tangata, ā, i muri mai he Rōia Rangahau ia mā te Kaiwhakawā Matua o Te Kooti Whenua Māori (koia hoki te Upoko o Te Rōpū Whakamana i Te Tiriti o Waitangi), i muri mai i tū ia hei Rēhita Āwhina o Te Rōpū Whakamana i Te Tiriti o Waitangi.
He mema hoki a Kaiwhakawā Milner o te Te Rōpū Whakamana i Te Tiriti o Waitangi.