Ko ngā kaupapa matua i roto i tēnei kete rauemi ko:
Ngā Rerekētanga i waenga i ngā Tirohanga Ao Māori me ngā Tirohanga Ao Pākehā
He maha ngā rerekētanga i waenga i te tirohanga a te Māori me te tirohanga a te Pākehā ki te ao. Ko ētahi o ēnei rerekētanga:
· te wairua ki te pūtaiao;
· te whakamahi i te whenua;
· te tūnga o te wāhi tapu; me
· te tūmanako o ngāi Māori ki te whakahaumaru i ngā taonga ki te tūmanako o te Pākehā ki te mātai i ngā taonga Māori.
Te Mōriroriro
E rua ngā ara e mōrirorio ai Te Roroa:
· ā-tinana (hei tauira, i te whenua me ngā mahinga kai); ā
· ā-wairaua (hei tauira, i te Ngāherehere o Waipoua me te wāhi tapu).
Te Manatika me te Tūkinotanga
Ko te manatika me te tōkeke ngā take i ngā wāhi e whai ake nei:
· te āhua i waihangatia ai ngā whakaaetanga, ā, i whakatutukihia ngā whāinga;
· te mahi a te Native Land Court i ngā takunetanga;
· te whakamahi i ngā taunakitanga ā-waha, ā-tuhi hoki;
· te tukanga i whakamahia (hei tauira, te reo i whakamahia me ngā tāngata i kōrerotia ai); me
· te āhua o te whakamahi o te mana.
Te Puritanga me te Whakamahi Whenua
He rerekē ngā tirohanga a te Māori me te Pākehā ki te Puritanga me te Whakamahi Whenua. He hīraunga mō ngā hunga katoa te Tarahititanga, te puritanga whenua takitini, me te puritanga pānga takitahi.
Pūtake Ohaoha
I panoni te pūtake ohaoha o Te Roroa i te haerenga o te wā. Ahakoa ko ngā rauemi pērā i ngā mahinga kai te pūtake ohaoha tuku iho o ngā iwi, i ngā tau o muri mai i hira ai ngā ratonga tūmatanui ki tō rātou whakawhanaketanga ohaoha.
