Ka tae ki ngā 1980 he maha ngā pūkawa o Te Ātiawa kāhore e taea te whakamahi nā te mea i parakinotia. I ahu mai te para i ngā putanga parakaingaki i runga i te takutai, i ngā hekenga para hoki – ngā para pāmu me ngā whakahaumako ā-matū i horoia ki ngā awa iti me ngā awa, ā, tae noa ki te moana.

Ko te parahanga kino rawa atu i ahu mai i te putanga o te Waitara Borough, i tuku i te parakaingaki me te para ahumahi ki roto i te moana, e tata ana ki ētahi pūkawa. Ka whakakinotia tēnei putanga, ā, i kikī rawa, i kino ake ai te raruraru. I ngā 1980, i whakamahia ngā pūkawa me ngā wai takutai e te hunga tūmatanui me Te Ātiawa hoki. I whakamahia e ngā kai hī ika, ngā kairuku, ngā kaieke ngāru, me ngā tāngata kauhoe, me te piki me te tūhura toka.

I te wā o ngā nohoanga mō te kerēme mō Motunui-Waitara, ka kōrerotia ngā wā i pā mai ngā whēwhē me ētahi atu mate kiri i muri i te kauhoe i roto i taua wāhi, te putanga mai o ngā kairuku me te pepa wharepaku me ētahi atu para i runga i ō rātou tinana, ā, i nā tēnei i kati te karapu whakarauora ngaru.

I te tau 1981, i whakamanahia te New Zealand Synthetic Fuels Corporation (Syngas) kia waihanga i te putanga hou mō tana taupuni kora horihori ki Motunui. Kua tuku pea tēnei putanga i ētahi atu parakaingaki, para ahumahi hoki ki ngā pūkawa me te pānga ki te Pūkawa o Motunui, tētahi o ngā pūkawa haumaru itiiti e toe ana hei kohikohi i te kaimoana.

I whakaritea kia waihanga i te putanga i raro i ngā herenga pākaha, engari kāhore e taea e Syngas, e te Taraipiunara Whakamahere rānei nāna i tuku i te whakaaetanga ki Syngas ki te waihanga i te putanga, he oati kāhore he parakino anō ki ngā pūkawa.

I tēnei wā i tuku Te Ātiawa i tana kerēme ki te Rōpū Whakamana i Te Tiriti o Waitangi.

Te akomanga o mua Te akomanga e whai mai ana