I whakaritea ēnei mōhiohio me te aro atu ki te marautanga tau 10, engari e āhei ana te whakamahi ki ngā taumata katoa o te kura tuarua.
Ko te whāinga o te kete hei whakaatu i te mahi a te Rōpū Whakamana i Te Tiriti o Waitangi, mā te whakaatu he aha ngā kerēme me te hātepe e whakahaeretia ana me te whakarato i te mātai kēhi.
I whakatūria te mātai kēhi - te kerēme mō Kaituna - hei ngohe whakatau mā ngā ākonga. I waiho ngā tūtohutanga o te rōpū Whakamana i te Tiriti o Waitangi ki te mutunga. Nā reira, ka āhei ngā ākonga te taupatupatu i ngā take i mua i te kōwhiringa kia pānui i ngā whakataunga i mahia.
He Whakamārama Anō
He maha ngā kupu me ngā rōpū whakahaere e hiahiatia ana kia whakamāramahia; hei tauira, 'kerēme', 'nawe', 'te Karauna', 'te Tari Ture o te Karauna', 'whakawhiti kōrero', 'hui takawaenga', 'the Bay of Plenty Catchment Commission', 'te Rotorua District Council', 'parakaingaki', 'tapu', 'mana', 'te Kōmihana mō te Taiao', 'te Treaty of Waitangi Act 1975', 'te Water and Soil Conservation Act 1967', 'ngā poari wai ā-takiwā', 'te Planning Tribunal', me 'te Resource Management Act 1991'.
Ētahi atu Ngohe
I tua atu i te pānui i ngā rawa i whakaratoa ki konei, ka āhei te akoranga:
· te matapaki, te taupatupatu rānei e pā ana ki te Tiriti;
· te manaaki i te kaikōrero manuhiri, hei tauira, he koroua, he kuia rānei nō te hapori;
· toro atu ki te marae ā-rohe;
· te rangahau i te puritanga o ngā whenua kura, te wāhi e tata ana rānei; me
· te kimi kōrero mō ngā kerēme Tiriti i roto i te rohe.
